My World Archives - Page 25 of 28 - CIA Live

સુરત : ડુમસ રોડસ્થિત ટી.જી.બી.હૉટલખાતે કોંકણફૂડ સ્પેશ્યલ કૂકરી વર્કશોપનું આયોજન કરાયું હતું.જેમાં કોંકણની સ્વાદિષ્ટ વાનગીઓ તૈયાર કરાઇ હતી.

ટી.જી.બી.ના શેફ શશીકાંત રાઠોડે જણાવ્યું હતું કે ભારતના વિવિધ રાજ્યો અને રાજ્યમાં પણ વિવિધ ક્ષેત્રોનાફૂડમાં અનેક વિશેષતાઓ છે. ત્યારે મહારાષ્ટ્રના કોંકણ વિસ્તારનું ફૂડ પણ અને રેસીપી પણ ખૂબ જ  લલચાવનારી છે. ખાસ કરીને અહીંના લોકોનો મુખ્ય આહાર સી ફૂડ છે. પરંતુ સાથે-સાથે કડી-પત્તા, કાચાકેળા, કોકમ,મળી મરી જેવા પદાર્થો થકી સ્પાઇસ અને  સ્વાદિષ્ટ વાનગીઓ બનાવે છે.ત્યારે સુરતનો સ્વાદપ્રિય જનતાને પણ કોંકણની આ વિશેષ વાનગીઓનો ખ્યાલ આવે તે માટે ટી.જી.બી.ના મેમ્બર્સ માટે આ વર્કશોપનું આયોજન કરવામાં આવ્યું હતું. જેમાં મોટી સંખ્યામાં મેમ્બર્સ ભાગ લીધો હતો.

-x-x-x-x-

શહેરના કતારગામ ખાતે આવેલા એસએમસી જરીવાલા કોમ્પ્લેક્સમાં સ્કૂલ ગેમ્સ ફેડરેશન ઓફ ઇન્ડિયા (એસજીએફઆઇ) દ્વારા તાજેતરમાં સ્પીડ સ્કેટિંગ કોમ્પિટિશનનું આયોજન કરવામાં આવ્યું હતું. આ કોમ્પિટિશનમાં લગભગ 20 શાળાઓના 200 જેટલાં વિદ્યાર્થીઓએ ભાગ લીધો હતો.

વિદ્યાર્થીઓના વિકાસ માટે હંમેશા અગ્રેસર શાંતિ એશિયાટિક સ્કૂલના પાંચ વિદ્યાર્થીઓએ પણ આ કોમ્પિટિશનમાં ભાગ લીધો હતો, જેમાં અન્ડર-11 ક્વાડ બોઇઝ કેટેગરીમાં ભાવાર્થ દેસાઇએ પ્રથમ ક્રમ તથા અન્ડર-11 ગર્લ્સ કેટેગરીમાં નેન્સી મિસ્ત્રીએ ત્રીજો ક્રમ હાંસલ કરીને શાળાને ગૌરવ અપાવ્યું છે.આ વિદ્યાર્થીઓની વડોદરા ખાતે ચાલુ મહિને યોજાનારી રાજ્ય સ્તરિય કોમ્પિટિશનમાં ભાગ લેવા માટે પસંદગી કરવામાં આવી છે.

ગ્રીનાથોનમાં ગર્ભવતી મહિલાઓ વૃક્ષારોપણ સાથે આપ્યો પર્યાવરણ સંરક્ષણનોસંદેશ

• તાપ્તી કિડ્સ, હાર્ટ્સ એટ વર્ક અને કિરિન્ગટોન ક્લબના સથીયારા પ્રયાસથી શહેરમાં પહેલી વખત થયું અનોખું આયોજન
• ગ્રીનમેન તરીકે વિખ્યાત યુવા ઉદ્યમીવિરલ દેસાઈ હતા ઇવેન્ટના બ્રાન્ડ એમ્બેસેડર
• 

સુરત :ગ્લોબલ વોર્મિંગની ચેતવણી વચ્ચે વિશ્વમાં સૌથી વધુ ભાર વૃક્ષારોપણપર આપવામાં આવી રહ્યો છે. ત્યારે ભારતમાં પહેલી વખત સુરત ખાતે એવું આયોજન થયું છે કે જે વૃક્ષારોપણની પ્રવૃત્તિને માત્ર વેગજનહીં આપ્યું પણ આ કાર્ય માટે માઈલસ્ટોન સાબિતથયું છે.સુરતની તાપ્તી કિડ્સ દ્વારા હાર્ટ્સ એટ વર્કફાઉન્ડેશન અને કિરીન્ગટોન ક્લબના સહયોગથી સુરતના આંગણે “ગ્રીનાથોન”નું આયોજન કરવામાં આવ્યું હતું.જેના થકી લોકોમાં વૃક્ષારોપણ અંગે જાગૃતિ ફેલાવવાનો પ્રયાસ કરવામાં આવ્યું હતું. ગ્રીનાથોનમાં ગર્ભવતી મહિલાઓએ ભાગ લઈ જેમ તેમની કોખમાં બાળક ઉછેરી રહ્યું છે એવી જ રીતે પર્યાવરણની જાળવણી માટે વ્રુક્ષોના સંરક્ષણ માટેનો અનોખો સંદેશો આપ્યો હતો.આ માટે ગુજરાતમાં ગ્રીનમેન તરીકે વિખ્યાત અને પર્યાવરણ સંરક્ષણ ક્ષેત્રે અનેક એવોર્ડ પ્રાપ્ત કરી ચૂકેલા સુરતના યુવા ઉદ્યમી વિરલ દેસાઈને બ્રાન્ડ એમ્બેસેડર તરીકે  જાહેર કરાયા હતા.

આ અંગે તાપ્તી કિડ્સના પ્રમોદ ચૌધરીએ જણાવ્યું હતું કે આજે પ્રદૂષણનું પ્રમાણ સતત વધતુ જઈ રહ્યુ છે અને વાતાવરણમાં ઓક્સીજનનું પ્રમાણ ઘટતું જઈ રહ્યું છે. ત્યારે ભવિષ્યમાં ઓક્સિજનનું પ્રમાણ વાતાવરણમાં જળવાઇ રહે તે માટે ગ્રીનાથોનનું આયોજન કરવામાં આવ્યું હતું અને આ માટે અત્યાર સુધી 19000થી વધુ વૃક્ષોનું રોપણ કરી ચૂકેલા યુવા ઉદ્યમી વિરલદેસાઈની બ્રાન્ડ એમ્બેસેડર તરીકે પસંદ કરવામાં આવી હતી.આજરોજ સુરતના સી.બી.પટેલ ગ્રાઉન્ડ ખાતે ગ્રીનાથોનનું આયોજન કરવામાં આવ્યું હતુંજેમાં ગર્ભવતી મહિલાઓ સાથે માતા, પુત્રી કે પુત્ર ભાગ લીધો હતો. આ પ્રસંગે જેટલા લોકોએ ભાગ લીધો હતો, તેટલી સંખ્યામાં વૃક્ષોરોપણ કરવાનું આયોજન કરવામાં આવ્યું હતું.

ગ્રીનમેન વિરલ દેસાઈએ જણાવ્યું હતું કે આયોજનનો મુખ્ય ઉદ્દેશ્ય પર્યાવરણ સંરક્ષણ માટેનો છે ત્યારે ગર્ભવતી મહિલાઓ પોતાના કોખમાં ઉછરી રહેલા ગર્ભ માટે આગામી સમયમાં ઓક્સીજન પૂરતા પ્રમાણમાં મળી રહે તે માટે વધુને વધુ વૃક્ષો વાવવાની સાથે જ જે રીતે આપણે બાળકનો ઉછેર કરીએ છીએ એવી જ રીતે વૃક્ષોનો ઉછેર કરવાનો સંદેશો ફેલાવવાનો હતો. એટલું જ નહીં આ ઇવેન્ટમાં માતા-પુત્રી,કે પુત્ર ભાગ લીધો હતો. ત્યારે જે રીતે આપણેસંતાનોનો ઉછેર કરીએ છીએ અને ભવિષ્યમાં તે આપણી ટેપણ  બાળકી બનશે એવું માનીએ છીએ. એ જ રીતે વૃક્ષોનું રોપણ કરી તેમનો ઉછેર સંતાનોની જેમ કરીએ તો વૃક્ષો પણ માનવજીવન માટે આશીર્વાદ રૂપ સાબિત થશે .એ અંગે જાગૃતતા ફેલાવવાનો હતો.

-x-x-x-x-

સુરત, ઓગસ્ટ, 2018: શું તમારું બાળક શાળાએ જઇ રહ્યું હોય ત્યારે તેના શુઝની દોરી તમારે બાંધવી જોઇએ કે પછી બાળક શાળામાંથી પરત ફરે ત્યારે સ્કૂલ બસમાંથી તેના ઉતરતાની સાથે જ તમારે તેની બેગ ઉંચકી લેવી જોઇએ? શું તમે તમારા બાળકની વધુ પડતી કાળજી રાખો છો અથવા બાળકને વધુ પડતી સુવિધાઓ પૂરી પાડો છો?

જ્યારે બાળકોને આ પ્રકારની દૈનિક કામગીરી કરતાં રોકવામાં આવે ત્યારે માતા-પિતા સમક્ષ મોટી સમસ્યા અને પડકારો સર્જાય છે. શા માટે મા-બાપ બાળકોની વધુ પડતી કાળજી રાખે છે? શા માટે મા-બાપ બાળકોને જીવનમાં નિષ્ફળતાનો સામનો કરીને આગળ વધવાની પ્રેરણા લેતા રોકે છે?21મી સદીમાં બાળકના ઉછેરમાં કઇ સમસ્યાઓ છે? આ તમામ પ્રશ્નોના જવાબ શિક્ષણ અને તાલીમ ક્ષેત્રમાં 14 વર્ષનો બહોળો અનુભવ ધરાવતા ઇનોવેટર અને વિઝનરી લેખક જય લીલાવાલાના રિલિઝ થયેલ પુસ્તક ‘નર્ચરિંગ લિટલ હ્યુમન્સ’માં મળશે.શહેરના રાહુલરાજ મોલ ખાતે પુસ્તકનું અનાવરણ કરવામાં આવ્યું હતું.

ગુજરાતની અગ્રમી પ્રી-સ્કૂલ ચેઇન પૈકીની એક પરવરિશ ઇન્ટરનેશનલ પ્રી-સ્કૂલના સ્થાપક જય લીલાવાલાના આ પુસ્તકમાં બાળકોના સર્વાંગી ઉછેર અંગે વિસ્તૃત સમજ આપવામાં આવી છે. જય લીલાવાલાનું માનવું છે કે તમારા બાળકની બાળપણની યાદોમાં રહેવા માટે તમારે તેની સાથે સમય વિતાવવો પડશે. બાળકો સાથેની સુંદર યાદો, નાટકો, યાદગાર પળો, કારકિર્દી, કૌશલ્યો, પત્રો, સવાર, સાંજની યાગો, રમતો, ખુશીના પળોને આવરી લેતાં કુલ 27 ચેપ્ટર્સને આવરી લેવાયા છે. મહત્વપૂર્ણ છે કે નર્ચરિંગ લિટલ હ્યુમન્સને લોન્ચ થતાં પહેલાં જ ફેસબુક ઉપર 500થી વધુ લોકોએ તેને લાઇક કરીને વાંચવાની ઇચ્છા પ્રગટ કરી છે.

આ પુસ્તક અગ્રણી ઇ-કોમર્સ પોર્ટલ ફ્લિપકાર્ટ, એમેઝોન, ઇન્ફીબીમ, નોશનપ્રેસ તથા ઇનગ્રામ ઉપર ટૂંક સમયમાં વેચાણ માટે ઉપલબ્ધ બનશે. આ ઉપરાંતwww.myparvarish.com ઉપરથી પણ વાચકો તેને ખરીદી શકશે. એમેઝોન કિંડલ ઉપર પણ આ પુસ્તક વાંચન માટે ઉપલબ્ધ બનશે.

ઉલ્લેખનીય છે કે જય લીલાવાલા એક અગ્રણી કમ્યુનિકેટર અને મોટિવેટર છે, જેઓ આદિત્ય બિરલા ગ્રુપ, ફ્યુચર ગ્રુપ વગેરે જેવી અગ્રણી આંતરરાષ્ટ્રીય કંપનીઓ સાથે સંકળાયેલા છે. તેઓ શિક્ષણની સાથે-સાથે ઓપરેશન, ફાયનાન્સ અને મેનેજમેન્ટમાં પણ નિપૂંણતા ધરાવે છે.

-x-x-x-