સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝના વાઇસ પ્રેસિડેન્ટની ચૂંટણી રવિવાર તા.21મી એપ્રિલ 2019ના રોજ યોજાઇ રહી છે એ પૂર્વે લોકસભાની ચૂંટણીમાં જેમ મોદી મોદી થઇ રહ્યું છે એમ ચેમ્બરની ચૂંટણીની પૂર્વ સંધ્યાએ પણ સ્થાનિક ઉદ્યોગજગતમાં મોદી મોદી વાઇરલ થયું છે.

ચાર્ટર્ડ અકાઉન્ટન્ટ તરીકે દાયકાઓથી સુરતમાં કાર્યરત મિતિષ મોદી માટે કહેવાય છે કે પ્રેઝન્ટેશન અને પ્રોજેકશનમાં તેમની માસ્ટરી છે અને તેની પ્રતીતિ ફોસ્ટા સાથેની મિટીંગમાં જ જોવા મળી હતી. સ્થાનિક ટેક્સટાઇલ ટ્રેડર્સ એસોસીએશનના આગેવાનો સાથેની બેઠકમાં સામાન્ય ચર્ચા ચાલી રહી હતી ત્યારે ટેક્સટાઇલ ટ્રેડર્સ આગેવાનોએ આઇ.ટી.સી. ક્રેડિટ રિવર્સલ ને સ્પર્શતી સમસ્યા અંગે ચર્ચા છેડીને ઉકેલ માંગ્યો હતો. મિતિષ મોદી અને તેમના પુત્ર અક્ષય મોદીએ ત્વરિત તેનો ઉકેલ જણાવ્યો હતો અને ટેક્સટાઇલ વ્યાપારીઓને પણ તેમની વાત સ્પર્શી ગઇ હતી.

ટેક્સટાઇલ ટ્રેડર્સને હાલ એ સમસ્યા નડી રહી છે કે ખરીદ વેચાણના સોદામાં માલ વેચાણ કરતા વેપારીને મોટા ભાગના કિસ્સાઓમાં પેમેન્ટ 6 મહિના કે તેનાથી વધુ સમય બાદ મળે છે. પરંતુ, ખરીદનાર વેપારી એ ટેક્સ ક્રેડિટ મેળવી લીધી હોય છે. પેમેન્ટ બાકી હોવા છતાં ખાતામાં ટેક્સ ક્રેડિટનો ઉપયોગ થઇ ચૂક્યો હોય છે. આવી સ્થિતિમાં જીએસટીના નિયમો મુજબ 180 દિવસમાં જો પેમેન્ટ ન આવે તો ક્રેડિટ રિવર્સલ એન્ટ્રી કરવી પડે છે અને બાદમાં ટેક્સનું પેમેન્ટ કેશથી અને એ પણ 24 ટકા વ્યાજ સાથે. આ મુદ્દો ઉઠમણું કરી જતા વેપારીઓના કિસ્સામાં પણ લાગૂ પડે છે અને વેપારીઓનું પેમેન્ટ તો અટવાય છે ઉપરથી ટેક્સનો માર બમણો પડે છે.

આ મુદ્દા પર મિતિષ મોદી અને તેમના પુત્ર અક્ષય મોદીએ વ્યાપારીઓને કેટલાક આઇડિયા શેર કર્યા હતા જેમાં જ્યુરિડિકશનલ જીએસટી અધિકારીને પેમેન્ટ નહીં કરનાર જે તે વેપારી અંગે લેખિતમાં જાણ કરવામાં આવે. ખરીદનારે પેમેન્ટ કર્યા વગર ટેક્સ ક્રેડિટ મેળવી લીધી હોય તેવા કિસ્સામાં જીએસટી તંત્રની આકરાં પગલાંની જોગવાઇ છે. આમ, આઇ.ટી.સી. ક્રેડિટ રિવર્સલના કેસમાં વ્યાપારીઓની મોટી રકમ વેડફાંતા કે ફસાતાં બચી શકે તેમ છે.

એવી જ રીતે ટેક્સટાઇલ ઉદ્યોગના અભિન્ન અંગ સમા વિવર્સ અગ્રણીઓ સાથેની મિટીંગ પણ મિતિષ મોદી માટે ફળિભૂત થઇ છે. વિવર્સ તેમજ પ્રોસેસર્સ સાથે વન ટુ વન મિટિંગમાં મિતિષ મોદીએ પોતાના ભાવિ પ્રોજેક્ટ અને રણનીતિથી ઉદ્યોગકારોને વાકેફ કર્યા હતા.

એક સમયે ચાર લાખ હેક્ટર જમીન માટે સિંચન સુવિધા ઉપલબ્ધ કરી દેનારો તાપી મેગારિચાર્જ પ્રકલ્પ પૂર્ણ થશે ત્યારે તે સૌને આશ્ર્ચર્યચક્તિ કરી દેશે, તેમ મુખ્ય પ્રધાન દેવેન્દ્ર ફડણવીસે રાવેર ખાતે વિજયસંકલ્પ સભામાં જણાવ્યું હતું.

જળગાંવ અને રાવેર ખાતે ઉન્મેશ પાટીલ અને રક્ષાતાઈ ખડસેના મતવિસ્તારમાં તેમની સભા યોજાઈ હતી. મહારાષ્ટ્રના સી.એમ. ફડણવીસે જણાવ્યું હતું કે તાપી નદી ખાતે પાડળસા ધરણનું કામ આપણી જ સરકારના હસ્તે પૂરું થશે. આ માટે રૂ. 2771 કરોડ મંજૂર થયા છે. આ પ્રોજેક્ટથી અંમળનેર તાલુકાના 67 ગામને લાભ મળશે.

તાપી રિચાર્જ પ્રકલ્પનો અહેવાલ તૈયાર થઈ રહ્યો છે. વડા પ્રધાન નરેન્દ્ર મોદીએ અલગ જળશક્તિ મંત્રાલય સ્થાપન કરી તમામ પ્રકલ્પોની ખાસ કાળજી લેવાનું નક્કી કર્યું છે.

જળગાંવ જિલ્લાના ખેડૂતોને રૂ. 2300 કરોડની મદદ મળી છે. રાવેર ખાતે ફડણવીસે જણાવ્યું હતું કે રાજ્યમાં હાલમાં દુષ્કાળની સમસ્યા છે અને સરકારને તેની પૂર્ણ માહિતી છે.

અત્યાર સુધી 72 લાખ ખેડૂતના ખાતામાં દુષ્કાળ માટેની રાહતની રકમ જમા થઈ ચૂકી છે. કેન્દ્ર સરાકરે મહારાષ્ટ્રને અત્યાર સુધીની સૌથી મોટી મદદ કરી છે. આ ભાગમાં સિંચાઈ માટે મોટા કામ થઈ રહ્યા છે.

તાપી મેગા રિચાર્જ પ્રકલ્પ લોકોને અશક્ય લાગી રહ્યો છે, પરંતુ તે અમે હાથ ધરી રહ્યા છે, અને પૂરો થશે ત્યારે દુનિયાને અચરજ થશે. આ પ્રક્લ્પને લીધે કોઈ વિસ્થાપિત થશે નહીં. શેળગાંવ બેરેજ માટે રૂ. 770 કરોડ મંજૂર કરવામાં આવ્યા છે. ભુસાવળ ખાતે વીજનિર્માણનો પ્રકલ્પ સાકાર થઈ રહ્યો છે, તેમ પણ ફડણવીસે જણાવ્યું હતું.

મિતિષ મોદી  मैं अकेला ही चला था जानिब-ए-मंज़िल मगर, लोग साथ आते गए और कारवाँ बनता गया

ચેમ્બર ઓફ કોમર્સના વાઇસ પ્રેસિડેન્ટની ચૂંટણી શહેરના સેલિબ્રિટીઝ અને વીઆઇપીઓમાં સાંસદની ચૂંટણી કરતા પણ વધુ ચર્ચાસ્પદ બની છે. ચેમ્બરના વી.પી.ની ચૂંટણીમાં હાલ જેઓ મજબૂત કેન્ડીડેટ તરીકે ઉભરી આવ્યા છે એ જાણીતા ચાર્ટર્ડ અકાઉન્ટન્ટ મિતિષ મોદી જ્યારે ફોર્મ ભરવા ગયા ત્યારે બિલકુલ એકલા-અટુલા ગયા હતા અને આજે તેમની સાથે આખો કાફલો ચાલી રહ્યો છે.

मैं अकेला ही चला था जानिब-ए-मंज़िल मगर, लोग साथ आते गए और कारवाँ बनता गया, મિતિષ મોદી માટે આ બિલકુલ બંધ બેસતી સ્થિતિ છે. જ્યારે ચૂંટણીના મંડાણ થયા ત્યારે પહેલા ચાર દિવસના અખબારોમાં મિતિષ મોદીએ ફોર્મ ભર્યું હોવા છતાં તેમનો નામોલ્લેખ જોવા મળ્યો ન હતો. આશિષ ગુજરાતીને એવી રીતે પ્રોજેક્ટ કરાયા કે તેમના નામે સર્વસંમતિ બની જ જવાની હોય. સત્તાધારી પેનલએ એક સમયે મૃણાલ શુક્લ માટે પ્રયાસો કરી જોયા. પણ છેવટે બીએસ અગ્રવાલે દિનેશ નાવડીયાનો હાથ પકડ્યો એટલે પરિસ્થિતિ બદલાય જવા પામી હતી.

સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝના વાઇસ પ્રેસિડેન્ટની હાલ યોજાઇ રહેલી ચૂંટણી આડે હવે ફક્ત 48 કલાક બાકી બચ્યા છે ત્યારે દ્વિપાંખીયા જંગમાં મિતિષ મોદી અને દિનેશ નાવડીયા બન્ને મેરીટોરીયસ કેન્ડીડેટ છે એમાં બે મત નથી, પણ આ ચૂંટણીમાં નિર્ણાયક પરિબળ જો કોઇ બન્યું હોય તો એ માજી પ્રમુખ બી.એસ. અગ્રવાલ સામેની નારાજગી છે. બી.એસ. અગ્રવાલથી નાખુશ લોકો એક મંચ પર આવી ગયા છે અને એ મંચ પરથી મિતિષ મોદી હાલ ચૂંટણી લડી રહ્યા છે. ઇનશોર્ટ હાલની સત્તાધારી પેનલ સામે બી.એસ. અગ્રવાલે વખતોવખત કોઇકને કોઇક મુદ્દે શિંગડા ભેરવ્યા છે અને એના કારણે સત્તાધારીઓ હાલમાં બી.એસ. અગ્રવાલ જે કેમ્પમાં છે તેનાથી વિરુદ્ધના કેમ્પમાં એકઠા થયા છે.

અત્યાર સુધી બીએસ અગ્રવાલે જે જે મુદ્દાઓ પર સત્તાધારીઓ સામે શિંગડા ભેરવ્યા, એમાના એકેયમાં બીએસ અગ્રવાલ સફળ થયા નથી

બી.એસ. અગ્રવાલે અત્યાર સુધી સત્તાધારીઓ સામે જ્યારે જ્યારે શિંગડા ભેરવ્યા છે ત્યારે ત્યારે તેઓ એકેય મુદ્દા પર સફળ થયા નથી આવી સ્થિતિમાં હવે આ વખતે તેમણે દિનેશ નાવડીયાને પોતાના ઉમેદવાર જાહેર કરીને તેમના માટે હાલ ચૂંટણીની સ્ટ્રેટેજી ગોઠવી રહ્યા છે. ગયા વર્ષની ચૂંટણીમાં બીએસ અગ્રવાલ કેમ્પના ઉમેદવાર ભદ્રેશ શાહ હતા એ વખતે  જે પરિસ્થિતિ સર્જાયેલી એ જ પરિસ્થિતિ આ વખતે પણ સર્જાવા પામી છે. બીએસ અગ્રવાલથી નાખુશ તમામ લોકો આજે મિતિષ મોદી કેમ્પમાં છે અને જોરશોરથી તેમનો પ્રચાર કરી રહ્યા છે. બીએસ અગ્રવાલ વિરોધીઓ એટલા માટે દિનેશ નાવડીયા સક્ષમ ઉમેદવાર હોવા છતાં તેમની વિરુદ્ધ બેઠા છે કેમકે જો હાલમાં કોઇપણ પ્રકારના પાવરમાં ન હોવા છતાં બીએસ અગ્રવાલ ચેમ્બરના વહીવટમાં ખટપટો કર્યા કરતા હોય તો પાવરમાં આવ્યા પછી તેઓ મુશ્કેલી વધારશે.

ચેમ્બરના હિસાબો માંગવાથી લઇને મેનેજિંગ કમિટીની ચૂંટણી સુધીની માગણીઓ માટે બીએસ અગ્રવાલે જે હથકંડા અપનાવ્યા એ હથકંડાઓએ તેમની વિરુદ્ધ નારાજગી વધારી મૂકી 

ચેમ્બરના હિસાબોથી લઇને મેનેજિંગ કમિટીની ચૂંટણી કરાવવા સુધીની બીએસ અગ્રવાલની માગણીઓ ભલે વ્યાજબી હોય પરંતુ, જે પ્રકારે તેમણે સત્તાધારીઓને ભીંસમાં લેવાની હરકતો કરી એ હરકતો આજે બીએસ અગ્રવાલ માટે હાથના કર્યા હૈયે વાગે એવી બની છે. બીએસ અગ્રવાલ અલગ ચોકો રચવામાં સફળ નિવડે છે પરંતુ, તેમાં સફળ થવા માટે અનિવાર્ય સંખ્યાબળ કે પાવર સુધી પહોંચી શક્તા નથી.

સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝના વાઇસ પ્રેસિડેન્ટની ચૂંટણીનો દ્વિપાંખીયો જંગ ખેલી રહેલા શહેરના હીરા ઉદ્યોગના અગ્રણી દિનેશ નાવડીયા હાલ મતદારો સાથે વન ટુ વન મિટીંગ કરીને ઘનિષ્ટ પ્રચાર કરી રહ્યા છે. તેઓ કહે છે કે લોકો ભલે કહેતા કે ચેમ્બરની ચૂંટણી રાજનીતિક પ્લેટફોર્મ પર લડાતી હોય. દિનેશ નાવડીયા કહે છે મારી ઉમેદવારી સ્માર્ટ સિટી સુરતને ભારતના જ નહીં બલ્કે વિશ્વના સ્માર્ટ બિઝનેસ સિટીમાં તબદિલ કરવા માટેની છે.

(Dinesh Navadia, Campaigning with joggers group)

દિનેશ નાવડીયા સાથે શહેરના ટેક્સટાઇલ અગ્રણીઓ, બાંધકામ ઉદ્યોગના આગેવાનો, હીરા ઉદ્યોગપતિઓ સતત સાથે રહીને મતદારોને વન ટુ વન મળીને તેમની ઉમેદવારીનો હેતુ તેમજ ભાવિ પ્લાનિંગ સમજાવી રહ્યા છે.

દિનેશ નાવડીયા કહે છે કે સર્ધન ગુજરાત ચેમ્બર ઓફ કોમર્સ એ દરેક પ્રકારના વ્યવસાયીઓથી લઇને ઉદ્યોગપતિઓ, ધંધાર્થીઓનું નેતૃત્વ કરતી સંસ્થા છે. આ એવું પ્લેટફોર્મ છે કે જેના પર સુરતનું અર્થતંત્ર નિર્ભર રહેલું છે. ચેમ્બરની લિડરશીપ ધારે તો આ શહેરના ભારતના જ નહીં બલ્કે વિશ્વના સ્માર્ટ બિઝનેસ સિટીમાં તબદિલ કરી શકે તેમ છે.

દિનેશ નાવડીયાનું કાર્યાલય 18-20 કલાક ધમધમી રહ્યું છે. માઇક્રો લેવલ પર પ્લાનિંગ કરીને ચેમ્બરના ઉદ્યોગપતિ મતદાતાઓને કેમ દિનેશ નાવડીયા સર્વમાન્ય અને તટસ્થ ઉમેદવાર છે એ સમજાવવામાં આવી રહ્યું છે. પ્રભાવશાળી નેતૃત્વ શક્તિ ધરાવતા વિશેષ દિનેશ નાવડીયાના કેમ્પેનર્સ એવું માને છે કે તેઓ મતદારોને રિઝવવા માટે હરીફ ઉમેદવારને નીચા દેખાડવાની તેમની નીતિ હરગીઝ નથી. તેઓ ફક્ત પોતાનું વિઝન ચેમ્બરના ઉદ્યોગપતિઓને દેખાડી રહ્યા છે.

પોઝિટીવીટીમાં માનતા મિતિષ મોદી કહે છે કે સુરતના ઉદ્યોગોને ઝીરો એરર ટેક્સેશન અને અપગ્રેડેશનની તાતી જરૂરીયાત, જે પૂરી કરવા માટે કટિબદ્ધ છું

સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝના વાઇસ પ્રેસિડેન્ટ પદની ચૂંટણી લડી રહેલા શહેરના જાણીતા ચાર્ટર્ડ અકાઉન્ટન્ટ મિતિષ મોદીને ઉદ્યોગપતિઓ તેમજ શહેરના વ્યવસાયિકોના જૂથો દ્વારા ઉમળકાભર્યો આવકાર મળી રહ્યો છે.

અઢી દાયકાથી શહેરમાં જાણિતા ટેક્સ કન્સલ્ટન્ટ ઉપરાંત એક્સપર્ટ ઇકોનોમિસ્ટ તરીકે ખ્યાતિપ્રાપ્ત મિતિષ મોદીની લિડરશીપ સુરતના જુદા જુદા ઉદ્યોગો જેવા કે ડાયમંડ, ટેક્સટાઇલ, કન્સ્ટ્રકશન, કેમિકલ્સ વગેરેને નવી દિશા આપી શકશે. તમામ ઉદ્યોગોને કનડતો સૌથી મોટો પ્રશ્ન ટેક્સેશન અને જીએસટી આધારિત છે, તેમાં મિતિષ મોદી ઉંડું જ્ઞાન ધરાવે છે એવી જ રીતે ભાવિ પડકારોને સ્થાનિક ઉદ્યોગો પહોંચી વળે તે માટે અપગ્રેડેશન પછી એ ટેક્નોલોજી બેઝ્ડ હોય કે ક્વોલિટી બેઝ આ તમામ વ્યવસ્થા ઉદ્યોગોને ચેમ્બર મારફતે પૂરી પાડવા માટેનું વિઝન મિતિષ મોદી ધરાવી રહ્યા છે.

મિતિષ મોદીનું માનવું છે કે સુરત એક ધંધાકીય શહેર છે, ગુજરાતનું આર્થિક પાટનગર છે અને આ શહેરની સુખ-સાહ્યબી તેના ઉદ્યોગ-ધંધા પર નિર્ભર હોય ત્યારે સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝની લિડરશીપ થકી આ ઉદ્યોગો માટે કેટલાક કાયમી માઇલસ્ટોન વિકસિત કરવાની તાતી જરૂરિયાત છે.

મિતિષ મોદી સાથે તેમના સમર્થકોની વિશાળ ટીમ હાલ તો ચેમ્બરના ઉદ્યોગપતિ મતદારોમાં ઘનિષ્ઠ પ્રચાર કરી રહી છે. દરેક સ્થળે મિતિષ મોદીને આવકાર મળી રહ્યો છે કેમકે ટેક્સ એક્સપર્ટ સી.એ. તરીકે તેમની દીર્ઘકાલિન સેવાઓને કારણે ઉદ્યોગપતિઓ સાથે તેઓ વર્ષોથી નહીં દાયકાઓથી ઘરોબ ધરાવી રહ્યા છે.

સુરત જિલ્લા ચૂંટણી તંત્રએ આજે સુરત જિલ્લાના કામરેજના ઘલુડી સ્થિત પોલીસ હેડક્વાર્ટસ ખાતે ખાસ પોલીસ જવાનો, હોમગાર્ડસના જવાનો પોતાના મતાધિકારનો ઉપયોગ કરી શકે તે માટે સ્પેશ્યલ મતદાન મથક ઉભું કરીને મતદાનની વ્યવસ્થા કરી હતી. સુરત જિલ્લાના કુલ 1770 મતદારો એવા હતા જેઓ પોલીસ તેમજ હોમગાર્ડમાં ફરજ બજાવે છે. આ જવાનો માટે આજે સવારે 8 વાગ્યે મતદાન શરૂ થયું હતું અને સાંજે 5 ના ટકોરે મતદાન પૂર્ણ થયું ત્યાં સુધીમાં કુલ 83 ટકા પોલીસ જવાનોએ પોતાના મતાધિકારનો ઉપયોગ કરી લીધો હતો.

કાયદો અને વ્યવસ્થાની જાળવણી કરતા પોલીસ જવાનોએ 83 ટકા જેટલું ઉંચુ મતદાન કરીને સામાન્ય જનતાને એક સંદેશ આપ્યો છે કે આગામી તા.23મી એપ્રિલના રોજ યોજનારા મતદાનમાં પ્રત્યેક મતદાતા પોતાની પવિત્ર ફરજ સમજીને મતાધિકારનો પ્રયોગ કરે. આજે સુરત જિલ્લાના પોલીસ જવાનો માટે ખાસ મતદાનની વ્યવસ્થામાં ઉડીને આંખે વળગે એવી બાબત એ જ હતી કે પોલીસ જવાનો મતદાન માટે ઉત્સાહિત હતા અને સતત મતદાન મથકે જવાનો આવતા ગયા હતા અને આખો દિવસ મતદાન મથક વ્યસ્ત જોવા મળ્યું હતું.

મળતી માહિતી મુજબ કામરેજ ખાતે ખાસ પોલીસ જવાનો માટે આજનો એક દિવસ પૂરતું ઉભા કરવામાં આવેલા મતદાન મથક માટે કુલ 1770 મતદારો નોંધાયો હતા. આ મતદારોમાં પોલીસ અધિકારીઓ, પોલીસ જવાનો તેમજ હોમગાર્ડસનો સમાવેશ થાય છે. સાંજે પાંચના ટકોરે મતદાન પૂર્ણ થયું ત્યારે 1484 જવાનોએ મતદાન કર્યું હતું.

પોલીસ જવાનોના મતદાનમાં સૌથી વધુ મતદાન બારડોલી બેઠક માટે કુલ 1221, સુરત માટે કુલ 224 અને નવસારી બેઠક પર કુલ 39 મતદાતાઓએ પોતાના મતાધિકારનો ઉપયોગ કરતા મતદાન કર્યું હતું.

ટોટલ 1770

મતદાન 1484

બારડોલી 1221

સુરત 224

નવસારી 39