May 24, 2018
કેન્દ્રીય મંત્રી અને ઓલિમ્પિક્સ સિલ્વર મેડલિસ્ટ રાજ્યવર્ધન સિંહ રાઠોડે ટ્વિટર પર એક ફિટનેસ ચેલેન્જ આપવાની શરુઆત કરી હતી. રાઠોડે તેમાં ભારતીય ક્રિકેટ ટીમના કેપ્ટન વિરાટ કોહલીને નોમિનેટ કર્યો હતો. કોહલીએ આ ચેલેન્જનો સ્વીકાર કર્યો અને અન્ય ત્રણ લોકોને ટેગ કર્યા છે. જેમાં વડાપ્રધાન નરેન્દ્ર મોદી પણ સામેલ છે. અને વડાપ્રધાન નરેન્દ્ર મોદીએ આ ચેલેન્જનો સ્વીકાર કર્યો છે.
વિરાટ કોહલી, જેની આ સમયે વિશ્વના શ્રેષ્ઠ ફિટ ખેલાડીઓ થાય છે, તેણે વિડીયોની શરૂઆતમાં જણાવ્યું કે, મિસ્ટર રાઠોડની ચેલેન્જનો સ્વીકાર કરૂં છે. કોહલીએ આ દરમિયાન ૨૦ સ્પાઇડર પ્લેન્ક કર્યા. કોહલીએ ત્યારબાદ કહ્યું કે, હું હવે મારી પત્ની અનુષ્કા શર્મા, અમારા વડા પ્રધાન નરેન્દ્ર મોદી જી અને મહેન્દ્ર સિંહ ધોનીને આ ચેલેન્જ આપું છું.
https://www.youtube.com/watch?v=vm7nvQXoYO0
વિરાટ કોહલીએ અનુષ્કા શર્મા, ધોની અને વડાપ્રધાન નરેન્દ્ર મોદીને આ ચેલેન્જ આપી હતી. નરેન્દ્ર મોદીએ આ ચેલેન્જનો સ્વીકાર કરતાં ટ્વિટ કરીને લખ્યું કે, વિરાટ કોહલી તમારા ચેલેન્જનો સ્વીકાર કરૂ છું. હું ફિટનેસ ચેલેન્જનો વીડિયો ટુંક સમયમાં શેર કરીશ. જો કે અનુષ્કા શર્મા અને એમએસ ધોનીએ હજી આ વીડિયો વિષે કોઈ જવાબ નથી આપ્યો. ઉલ્લેખનીય છે કે રાજ્યવર્ધન સિંહ રાઠોરે પોતાનો વીડિયો શેર કરીને ઋતિક રોશન, સાઈના નહેવાલ અને વિરાટ કોહલીને ટેગ કર્યા હતા.
રાજ્યવર્ધન સિંહ રાઠોરે મંગળવારે પુશ અપ્સ કરી રહેલા પોતાનો એક વિડિઓ ટ્વિટ કર્યો હતો. તેમણે આ વિડિયોમાં લોકોએ તેમના ‘ફિટનેસ મંત્ર’નો એક વિડિયો શૂટ કરી વિડિયોને શેર કરવા માટે વિનંતી કરી હતી. તેમાં સ્ટાર ભારતીય ક્રિકેટર ઉપરાંત, માહિતી અને પ્રસારણ મંત્રી બોલીવૂડ એક્ટર ઋૃતિક રોશન અને બેડમિંટન પ્લેયર સાઇના નેહવાલને પણ તેમણે ટેગ કર્યાં હતા.
